O, “Qız qalası”nı 33 yaşında yazıb
Bu gün İlk Azərbaycan baletinin – "Qız qalası"nın müəlifi, bəstəkar, dirijor, librettoçu, Azərbaycanın xalq artisti, Əfrasiyab Bədəlbəylinin anadan olmasından 105 il keçir. O, "Nizami", "Söyüdlər ağlamaz" operalarının, simfonik poema və təntənəli marşın müəllifidir. Ə.Bədəlbəyli "Hacı Qara", "1905-ci ildə", "Fərhad və Şirin" və s. dram tamaşalarına musiqi bəstələyib.
Ə.Bədədlbəyli 19 aprel 1907-ci ildə anadan olub. Ali Pedaqoji İnstitutun nəzdindəki məktəbdə, Bakı Teatr Texnikumunda, Azərbaycan Dövlət Universitetinin Şərqşünaslıq fakültəsində, Leninqrad Konservatoriyasının nəzdindəki musiqi məktəbində təhsil alıb.
20 yaşında Cəfər Cabbarlının "Od gəlini" pyesinin musiqisini yazıb. Xeyli müddət Moskva və Leninqrad opera və balet teatrlarında dirijor assistenti kimi fəaliyyət göstərib. Sonra isə Azərbaycan Dövlət Оpera və Balet Teatrında dirijоr vəzifəsində işləyib.
Ə. Bədəlbəyli Azərbaycanda ilk baletin müəllifidir. O, 33 yaşında ikən "Qız qalası" baleti ilə musiqi tariximizdə ilk Azərbaycan baletinin əsasını qoyub. Bəstəkar "Qaraca qız" baletinin, "Aydın" operasının librettolarını yazıb.
Mərhum sənətkar "Musiqi haqqında söhbət", "Simfoniyetta", "Musiqi terminləri lüğəti" kitablarının müəlifidir.
O, 1976-cı il yanvarın 6-da dünyasını dəyişib.
Xatirə