Dağıntılar altında xeyli insan olduğu ehtimal edilir
Hindistanda çökən fabrikin dağıntılarının altından 48 saat sonra 15 yaşlı yeniyətmə sağ çıxarıla bilib. Simsar.az-ın xarici mətbuata istinadən məlumatına görə, 15 yaşlı köçkün işçi Sandip Pəncab vilayətindəki xəstəxanalardan birinə aparılıb. Xilasetmə dəstələri dağıntıların altında çoxlu sayda adamın olduğunu ehtimal edir.
Qeyd edək ki, ötən gün Hindistanda ədyal istehsalı ilə məşğul olan 3 mərtəbəli fabrikin çökməsi 6 nəfərin ölümünə səbəb olub. Xilasetmə dəstələri 60 nəfəri xilas etsə də, onlardan 3-nün vəziyyətinin ağır olduğu bildirilir.
Fatimə Kərimli