"İşlər uğurla nəticələnib"
“İran “S-300” raketdən müdafiə sisteminin nativini istehsal edir”. Bu barədə İranın müdafiə naziri Əhməd Vahidi jurnalistlərə açıqlamasında deyib. O bildirib ki, İran öz daxili imkanları hesabına yerli “S-300” raketdən müdafiə sistemi istehsal etməyə başlayıb: “Bu layihə çərçivəsində indiyə qədər həyata keçirilən bütün işlər uğurla nəticələnib.
Müjdəli xəbəri bu il verəcəyik”. Ə. Vahidi İranla Birləşmiş Ərəb Əmirliyi arasında mübahisəli 3 ada məsələsinə də toxunaraq bildirib ki, bu adalar İran torpaqlarının ayrılmaz parçasıdır və buna heç kimin şübhəsi olmamalıdır.