"Körpünün uçmasına səbəb sel suları və və daş karxanalarıdır"
Azərbaycanın Nəqliyyat naziri Ziya Məmmədov Quba rayonunda Bakı-Quba-Rusiya Federasiyası sərhədi yolunda Qaraçay üzərindəki uçan körpüyə baxış keçirib. Simsar.az-ın hadisə yerində olan əməkdaşı məlumat verir ki, nazir körpünün uçmasına yağıntıların və daş karxanalarının səbəb olduğunu bildirib. O deyib ki, körpü 1970-ci ildə inşa edilsə də sel suları körpünün dibini 13 metr dərinlikdə yuyub.
Bakı-Quba yolunun rekonstruksiyası zamanı bu körpüdə bərkitmə işlərinin aparıldığını bildirən nazir deyib ki, adıçəkilən ərazidə yeni yolun çəkilişi üçün məsləhətləşmələr aparılır. “Sabah günün sonuna kimi nativ yol çəkiləcək. Tezliklə ərazidə yeni körpü tikiləcək”.
Z.Məmmədov Qusar Rusiya sərhəd yoluna, Xaçmazın kəndlərinə getmək istəyən sürücülərə nativ yol kimi Gəndob - Yalama yolundan, Quba istiqamətində getmək istəyənlərə isə Pirvahid kəndindən keçməklə getməyi məsləhət görüb.
Qeyd edək ki, bu gün səhər saatlarında Bakı-Quba-Rusiya sərhədi yolunun 156-cı km-də, Qaraçay üzərindəki körpünün bir hissəsi sel suları səbəbindən çöküb. Nəticədə “QAZel” markalı yük maşını çaya düşüb. “QAZel”in sürücüsü, Quba rayonunun İqriq kənd sakini, 1972-ci il təvəllüdlü Ülfət Hüseynov müxtəlif dərəcəli bədən xəsarətləri alıb. Körpü üzərindən nəqliyyat vasitələrinin hərəkəti dayandırılıb.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
