ARDNŞ söküntü aparır, qanunsuz tikili sahibləri evlərindən çıxmaq istəmirlər
Azərbaycan Resbiblikası Dövlət Neft Şirkəti (ARDNŞ) Binəqədi rayonundakı 4-cü mədən ərazisində - Sulutəpə yaşayış sahəsində yerləşən sənədsiz evlərin söküntüsünü bu gün də davam etdirib.
Simsar.az "Azadlıq" radiosuna istinadən bildiri ki, aprelin 18-də bir qrup polis əməkdaşı və Dövlət Neft Şirkətinin mühafizəçiləri Bakının Sulutəpə qəsəbəsinə girişi kəsiblər. Sulutəpə qəsəbəsində ARDNŞ-nin öz ərazisi saydığı hissədə olan evləri sökdüyü üçün sakinlərlə neft şirkətinin əməkdaşları arasında qarşıdurma olub.
ARDNŞ-in mühafizəçiləri jurnalistlərin olduğu taksiyə hücum ediblər və avtomobilin şüşələrini sındırıblar. Onlar jurnalistlərin hadisə yerinə getməsinə şərait yaratmayıblar.
"Yeni Müsavat"ın hadisə yerindəki reportyorunun sözlərinə görə, polislərin və ARDNŞ-in mühafizə xidmətinin əməkdaşlarının fiziki gücündən yararlanan söküntü briqadası evləri buldozer və ekskavatorların vasitəsilə dağıdırlar.
Söküntü işləri gedən nahiyədə jurnalistlərin olmasına dözümlü yanaşa bilməyən ARDNŞ qoluzorluları onlara mane olur, peşə borclarını yerinə yetirməyə imkan vermirlər. Onlar "Yeni Müsavat"ın əməkdaşının fotoaparatını qanunsuz olaraq əlindən alıblar və çəkiliş aparmasını qadağan edərək, material hazırlamasına mane olublar.
"Ayna-Zerkalo"nun müxbiri İdrak Abbasov ARDNŞ mühafizəçiləri tərəfindən fiziki təzyiqə məruz qalıb.
Son məlumata görə, İdrak Abasova yetirilən xəsarətlər onun səhhətində ciddi fəsadlar törədib və jurnalist ağır vəziyyətdə xəstəxanaya aparılıb.
Evləri sökülən sulutəpəlilər isə Bakı-Şamaxı magistralında yolu bağlayaraq nəqliyyatın hərəkətinidayandırmaqla məqruz qaldıqları haqsızlığa etirazlarını bildiriblər.
Qəsəbə sakini Səidə xanımın Modern.az-a verdiyi məlumata görə, hazırda Yuxarı Sulutəpə adlanan ərazidə məktəbin yaxınlınğındakı evləri Neft Şirkətinin işçiləri sökməyə başlayıblar.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
