Hrant Dinkin qatillərini tərifləyən plakat tutanlar sorğu-sual ediliblər
Fevral ayının 26-da Türkiyənin bir neçə böyük şəhərində Xocalı soyqırımına etiraz aksiyası keçirildi. Aksiyaçıların erməni jurnalist Hrant Dinkin qatillərini tərifləyən sloqanlar və bəzi plakatlar tutması bir qrup ermənipərəstin etirazına səbəb olub. Simsar.az-ın Türkiyə mətbuatına istinadən məlumatına görə, İstanbul Təhlükəsizlik Şöbə Müdirliyi tərəfindən 2-i qadın olmaqla, 9 nəfər nəzarət altına alınıb.
Aksiyaçılar sualları cavablandırarkən plakatları naməlum şəxslərin onların əlinə verdiyini deyib: “Biz aksiyada iştirak etdik. Bəyoğluna gedəndə bu plakatları əlimizə verdilər. Kimlərin verdiyini bilmirik”.
Onu da deyək ki, nəzarətə alınanlar sualları cavablandırdıqdan sonra sərbəst buraxılıb.
Fatimə Kərimli