Brüsseldə bu gün baş tutacaq görüş Çikaqodakı NATO sammitinə hazırlıq məqsədi daşıyır
Bu gün Belçikanın paytaxt Brüsseldə NATO ölkələrinin xarici işlər və müdaifə nazirlərinin görüşü olacaq. Rəsmilər Əfqanıstandan xarici qüvvələr çıxarıldıqdan sonra bu ölkədə təhlükəsizliyi maliyyələşdirməyin yollarını müzakirə edəcəklər. Nazirlər bu yaxınlarda həyata keçirilmiş "Taliban" hücumlarına baxmayaraq, NATO-nun strategiyasında heç bir dəyişikliyin olmayacağını bildiriblər.
Qeyd edək ki, NATO qüvvələri Əfqanıstandan 2014-cü ilin sonunadək tam çıxarılacaq. Gələn ay ABŞ-ın Çikaqo şəhərində keçiriləcək NATO sammitində Vaşinqton öz beynəlxalq müttəfiqlərindən əfqan təhlükəsizlik qüvvələrinin maliyyə xərclərinin 1/4 ödəməyi xahiş edəcək. ABŞ bu məqsədlə özünün 3 milyard, müttəfiq ölkələrin isə 1 milyard dollar ödəməsini istəyir.
Bu gün Brüsseldə keçiriləcək görüş də məhz Çikaqodakı NATO sammitinə hazırlıq məqsədi daşıyır.