"Repitotior yanına gedənlərin narkomaniyaya aludə olmaları fikirilə müəyyən mənada razılaşmaq olar"
“Mən orta məktəblərdə narkomaniya faktlarına rast gəlməmişəm”.
Simsar.az-ın verdiyi məlumata görə, bunu təhsil naziri Misir Mərdanov jurnalistlərə açıqlamasında söyləyib. Misir Mərdanov deyib ki, istənilən halda narkomaniya ilə bağlı məktəblərdə profilaktik tədbirlərin görülməsi vacibdir: “Profilaktik tədbirlərin görülməsi heç vaxt gec deyil”.
Misir Mərdanov şagirdlərin repitotior yanına gedəndə narkomaniyaya aludə olmalarına daha çox şərait yaranması barədə səslənən fikirlərə də münasibət bildirib: “Bu fikirlə müəyyən mənada razılaşmaq olar. Ancaq bunu birmənalı, qətiyyətlə demək olmaz. Delə bilərəm ki, digər ölkələrlə müqayisədə bizdə vəziyyət acınacaqlı deyil. Belə hallara qarşı hamı mübarizə aparmalıdır”.