"Müsabiqə müxtəlif vaxtlarda, əsasən də axşam saatlarında keçiriləcək"
Təhsil naziri Misir Mərdanov “Eurovision-2012” Mahnı Müsabiqəsinə görə məktəblərdə dərslərin tez yekunlaşdırılması ilə bağlı məsələyə münasibət bildirib. Simsar.az-ın verdiyi məlumata görə, təhsil naziri deyib ki, “Eurovision” Mahnı Müsabiqəsinə qədər dərslərin yekunlaşdırılaraq dayandırılmasına ehtiyac görmür. Misir Mərdanov bildirib ki, müsabiqə müxtəlif vaxtlarda, əsasən də axşam saatlarında keçiriləcək: “Ona görə də dərslərin mahnı müsabiqəsi başlayana qədər yekunlaşdırılmasına ehtiyac görmürəm. Ancaq bununla bağlı yekun qərar gələn həftə “Eurovision” Mahnı Müsabiqəsi ilə bağlı yaradılmış Təşkilat Komitəsinin iclasında qəbul ediləcək”.