Adil Əliyev: “Vulkan püskürməsi Xilmillidə deyil, Qızmeydan kəndində ola bilər”
İnternet saytlarında Qobustan rayonunun Xilmilli kəndində hündürlüyü 100 metrdən yuxarı olan vulkan püskürməsi barədə məlumatlar dərc edilib.
Bildirilir ki, Xilmilli və ətraf kəndlərin sakinləri təlaş içindədirlər.
Kənd sakinləri Tia.az saytının bölgə müxbirinə bildiriblər ki, indiyə qədər belə bir şey görməyiblər: "Görəndə vulkan olduğunu anlamadıq. Ancaq kənd ağsaqqalları bizə qorxmamağı tövsiyə etdilər”
Sayt yazır ki, vulkanın yeni başlaması ilə əlaqədar heç bir dövlət qurularından hadisə yerinə gələn olmayıb.
Azərbaycan Milli Elmlər Akademiyası (AMEA) Geologiya İnstitutunun palçıq vulkanizmi şöbəsinin müdiri Adil Əliyev Simsar.az-a açıqlamasında bildirib ki, Xilmilli kəndində vulkan püskürməsi barədə onda heç bir məlumat yoxdur: “Vulkan püskürməsi Xilmillidə deyil, Qızmeydan kəndində ola bilər. Hər halda əlaqə saxlayıb məsələni öyrənərik. Sabah, ya da birisi gün özüm olmasam da uşaqları göndərəcəm ora. Gedib baxsınlar”.
A.Əliyev əlavə edib ki, narahatlığa heç bir əsas yoxdur: “Püskürmə 30-40 dəqiqə davam edir”.
RAMİL
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
