Tərcümə kitabının təqdimatı keçiriləcək
Sabah Gəncliyə Yardım Fondunda Budapeşt məhkəməsinin qərarı ilə ömürlük həbs cəzasına məhkum olunmuş Azərbaycan Ordusunun zabiti Ramil Səfərovun tərcümə etdiyi - “Pal küçəsinin oğlanları” kitabının təqdimatı keçiriləcək. Simsar.az-ın xəbərinə görə, təqdimat AzeBookNet şəbəkəsinin və "Idea Youth Club"-ın dəstəyi ilə baş tutacaq.
Tanınmış macar yazıçısı Ferens Molnarın dünya şöhrətli bu əsəri Ramil Səfərovun macar dilindən Azərbaycan dilinə sayca ikinci tərcüməsidir. Ötən il “Ozan” nəşriyyatında işıq üzü görən kitabın redaktoru filologiya üzrə fəlsəfə doktoru, dosent Asif Rüstəmlidir. AzeBookNet şəbəkəsi və "Idea Youth Club"-ın təşəbbüsü ilə keçirilən bu təqdimatda “Pal küçəsinin oğlanları” əsərinin satışı da təşkil olunacaq. Satışdan əldə olunan bütün məbləğ Ramil Səfərovun hesabına köçürüləcək. Toplanan vəsait müəllifin növbəti tərcümə kitablarının çap edilməsinə sərf ediləcək.
Ramil Səfərov bu kitabı Azərbaycanın milli qəhrəmanı Mübariz İbrahimovun, “İgidliyə görə” medalı ilə təltif edilən Əhməd Abdullayevin, Fərid Əhmədovun, eləcə də Qarabağ savaşında həlak olan bütün şəhidlərin əziz xatirəsinə ithaf etdiyini bildirib.
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
