Olimpiadaya dünyanın 43 ölkəsindən 400-dən çox layihə təqdim olunub
Heydər Əliyev adına İdman-Konsert Komleksində “Çağ” Öyrətim İşlətmələrinin fəaliyyətinin 20-ci ildönümünə həsr edilmiş Məktəblilərin VI Beynəlxalq Ətraf Mühitin Mühafizəsi Layihə-Olimpiadasına start verilib.
İki gün davam edəcək tədbirin açılışı aprelin 6-sı saat 14.00-da gerçəkləşib. Bu günki tədbirdə olimpiadaya təqdim olunan layihələrin sərgisi keçirilib, həmçinin olimpiadada təmsil olunan ölkələrin tanıtımı keçirilib.
Simsar.az-ın sərgidə olan əməkdaşının verdiyi məlumata görə, İdman-Konsert Komleksində bahyram əhval-ruhiyyəsi yaşanıb. Yüksək səviyyədə təşkil olunan və məktəblilərin böyük sevinclə iştirak etdiyi sərgidə bir-birindən gözəl, maraqlı layihələr təqdim olunub. Azərbaycanın təhsil tarixində mühüm hadisə kimi yadda qalacaq tədbirin təşkilatçıları sırasında Təhsil, Ekologiya və Təbii Sərvətlər nazirlikləri, Dövlət Neft Şirkəti, “İNEPO-Avrasiya” Ekologiya İctimai Birliyi də var.
Qeyd edək ki, olimpiada 2007-ci ildən keçirilir. Olimpiadaya dünyanın 43 ölkəsindən 400-dən çox layihə təqdim olunub.
Bu göstərici əvvəlki illərlə müqayisədə xeyli çoxdur. Əvvəllər keçirilən olimpiada yarışlarında Azərbaycan məktəbliləri 21 qızıl, 22 gümüş, 25 bürünc medal qazanıblar.
Bu günkü sərgidə Albaniya, ABŞ, İndoneziya, İran, Qazaxıstan, Gürcüstan, Litva, Makedoniya, Malaziya, Meksika, Nigeriya, Pakistan, Polşa, Rumıniya, Slovakiya, Türkiyə, Türkmənistan, Ukrayna, Vyetnam, Yəmən, Zambiya, Niderland, Rusiyadan, ümumilikdə, dünyanın 42 ölkəsindən 250-ə qədər şagirdin iştirak etdiyi deyilir.
Aprelin 7-də isə layihələr qiymətləndiriləcək və qaliblər bəlli olacaq. Final mərhələsində Türkiyə və Azərbaycanın dövlət rəsmiləri iştirak edəcəklər.
Bu ilki olimpiadanın keçirilməsində məqsəd Azərbaycanda və dünyada artmaqda olan ekoloji problemlərin həlli və ətraf mühitin mühafizəsi istiqamətində gənc nəsli məlumatlandırmaqdan, məktəblilərdə ətraf mühitə qarşı həssas münasibəti formalaşdırmaqdan, ekoloji məsələlər üzrə maarifləndirməni genişləndirməkdən ibarətdir.
RAMİL
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
