Mayın 9-da Xankəndinə keçiriləcək hərbi paradda Ermənistan ordusunun da iştirakı gözlənilir
Mayın 9-da Xankəndinə keçiriləcək hərbi paradda Ermənistan ordusunun da iştirakı gözlənilir.
Ermənilər mayın 9-da Şuşanın işğal edilməsinin 20 illiyii ilə bağlı hərbi parad keçirməyə hazırlaşırlar. Simsar.az erməni KİV-lərinə istinadən bildirir ki, Xankəndinin mərkəzi meydanında keçiriləcək parad qondarma “DQR-in müdafiəsinin 20 illiyi”nə həsr olunub.
“Biz Errmənistan ordusu ilə birgə böyük hərbi parad keçirməyə hazırlaşırıq. Bu paradda müxtəlif növ silahlar və zirehli texnika nümayiş etdiriləcək”-deyə qondarma rejimin “Müdafiə Nazirliyinin” nümayəndəsi Senor Asratyan açıqlama verib. O tədbirin digər təfəruatları barədə məlumat verməyib və deyib ki, “bütün sürprizləri açmaq istəmir”.
Paradda nə qədər hərbiçinin iştirakı məsələsi də açıq qalıb. Bu suala cavab vermədən yayınan Asratyan bildirib ki, “paradda erməni xalqının bir hissəsi iştirak edəcək, bir hissəsi də müşahidə edəcək”.
Ermənistan Müdafiə Nazirliyindən bildiriblər ki, Şuşanın işğalı ilə bağlı İrəvanda heç bir parad keçirilməsi nəzərdə tutulmur. Bununla yanaşı bir sıra tədbirlərin keçiriləcəyi istisna olunmur.
Xatırladaq ki, 1992-ci mayın 9-da Şuşa şəhəri erməni hərbiçiləri tərəfindən işğal olunub. Bu il işğalın 20 ili tamam olur.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
