Azər Mehtiyevin rəhbərlik etdiyi heyət Fransa və Belçikada görüşlər keçiriblər
Bələdiyyələrin İnkişafı Naminə QHT Alyansı (BİNA) bu gün Beynəlxalq Mətbuat Mərkəzində mətbuat nümayəndələri üçün Azərbaycanda yerli özünüidarənin mövcud vəziyyətinin Avropa Şurasında, Avropa Parlamentində və Avropa Komissiyasında aparılmış müzakirələrin nəticələrinə həsr olunmuş konfrans keçirib.
Simsar.az-ın məlumatına görə, tədbiri giriş sözü ilə açan “Bələdiyyələrin inkişafı naminə” QHT Alyansının koordinatoru Azər Mehtiyev jurnalistlərə Fransa və Belçikada keçirilmiş görüşlər barədə geniş məlumat verib. Onun sözlərinə görə, Azərbaycanda yerli özünüidarəetmənin mövcud durumunu və problemlərini müzakirə etmək, habelə Alyansın hazırladığı hesabatı təqdim etmək üçün 2012-ci il mart ayının 18-dən 24-dək Strasburqda və Brüsseldə işgüzar səfərdə olublar.
Nümayəndə heyətinin tərkibi Alyansın koordinatoru Azər Mehtiyev, ekspertlər Samir Əliyev və Orxan Əliyevdən ibarət olub.
Avropa Parlamentinin Şərq Tərəfdaşlığı, Cənubi Qafqaz və Mərkəzi Asiya Siyasəti Departamentinin siyasi məsləhətçisi Dag Souranderlə görüşdə ölkəmizdə siyasi-iqtisadi vəziyyət, neft gəlirlərinin ölkə iqtisadiyyatına və əhalinin yaşayış səviyyəsinə təsiri, yerli demokratiyanın inkişafında yerli özünüidarənin rolu müzakirə olunub.
Alyansın eksperti Samir Əliyev əlavə olaraq bildirib ki, Avropa Şurasının Yerli və Regional Hakimiyyətlər Konqresinin Monitorinq qrupu növbəti monitorinqin aparılması üçün aprelin 2-5 tarixlərində Azərbaycana rəsmi səfər edəcəklər. Monitorinqin məqsədi Avropa Xartiyasından və Konqresin Azərbaycan hökumətinə ünvanladığı tövsiyələrdən irəli gələn öhdəlikləri ölkənin nə dərəcədə yerinə yetirdiyini, habelə ötən Monitorinqindən sonra yerli özünüidarənin inkişafı sahəsində ölkədə baş verən dəyişiklikləri ortaya çıxarmaqdır.
RUSLAN
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
