Seçkilər isə iki ay sonra olacaq
Azərbaycan Milli Elmlər Akademiyasının (AMEA) üzvlüyünə seçkilərlə əlaqədar sənəd qəbulu başa çatıb.
Bu barədə Simsar.az-a AMEA-nın I vitse-prezidenti Arif Həşimov bildirib. Onun sözlərinə görə, Novruz bayramından sonra seçkilərlə əlaqədar yaranmış ekspert komissiyaları daxil olan sənədləri təhlil edəcək. Bundan sonra AMEA-nın həqiqi və müxbir üzvlüyünə nə qədər namizədin iddialı olduğu açıqlanacaq. AMEA-ya seçkilər isə elan verilən gündən, yəni fevralın 17-dən 3 ay sonra keçiriləcək.
Qeyd edək ki, AMEA üzvlüyünə seçkilər səsvermə ilə keçiriləcək. Hazırda AMEA-nın 56 həqiqi, 106 müxbir üzvü var. Elana əsasən, seçki 10-u həqiqi, 30-u müxbir üzv olmaqla 40 vakant yer üzrə elan olunub.