Qar Lerikdə yolları bağlayıb
Ekologiya və Təbii Sərvətlər Nazirliyinin Lerik rayon hidrometeoroloji stansiyasından APA-nın Cənub bürosuna verilən məlumata görə, ötən gecədən başlayan yağış sonradan qara çevrilib. Hazırda davam etməkdə olan qarın qalınlığı rayon mərkəzində 10-15, ucqar yaşayış məntəqələrində isə 40-50 santimetr təşkil edir. Lerik Rayon İcra Hakimiyyəti aparatından APA-nın yerli bürosuna bildirilib ki, qar yağıntısı hələlik heç bir çətinlik yaratmayıb. Kəndlərarası yollarda nəqliyyatın hərəkəti qismən məhdudlaşsa da, Lənkəran-Lerik şosesi işlək vəziyyətdədir. Sakinlərin elektrik enerjisi və qazla təchizatında da hər hansı bir problem yaranmayıb.