Artıq BMT bu barədə həyəcan təbili çalır
Birləşmiş Millətlər Təşkilatı (BMT) dünya əhalisinin içməli suyla təmin edilməsində problemlərlə bağlı həyəcan təbili çalıb. Simsar.az-ın RBK-ya istinadən verdiyi məlumata görə, BMT problemlə bağlı məruzəni bu gün Fransanın Marsel şəhərində öz işinə başlayan Su Resursları Ümumdünya Forumuna göndərib.
Məruzədə qlobal iqlim dəyişikliyi ilə bağlı dünyada içməli suyun çatışmaması və içməli suyun materiklər üzrə qeyri-bərabər paylanması haqqında məlumat əksini tapıb. Asiya materikində planetin 60 faiz əhalisinin yaşamasına baxmayaraq, bu materikin planetin içməli su ehtiyatının 3-də biri ilə təmin olunduğu bildirilir.
Məruzədə 2050-ci ilədək Yer sakinlərinin ərzağa olan tələbatının 70 faiz artacağı bildirilir. Bu da öz növbəsində kənd təsərrüfatının müxtəlif sahələrinə sərf edilən suyun həcmini 19 faiz artıracaq ki, bu amil öz növbəsində şirin su ehtiyatının 90 faizinin işlədilməsinə səbəb olacaq.
UNICEF və Dünya Səhiyyət Təşkilatının Yer kürəsi sakinlərinin ancaq 89 faizinin içməli suyla təmin olunduğunu bildirir. Dünya əhalisinin 783 milyon nəfəri isə hələ də çirklənmiş su mənbələrindən istifadə etmək məcburiyyətindədir.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
