Bir həftə davam edəcək festivala bir çox ölkədən nümayəndələr qatılacaq
Azərbaycan Respublikası Mədəniyyət və Turizm Nazirliyinin sərəncamı ilə Masallının 2012-ci ildə “Azərbaycanın folklor paytaxtı” elan edilməsi çərçivəsində rayonda beynəlxalq folklor festivalı keçiriləcək. Bu barədə Simsar.az-ın cənub bürosuna məlumat verən Rayon Mədəniyyət və Turizm Şöbəsinin müdiri Lətifə Mövsümovanın sözlərinə görə, iyun ayında keçirilməsi nəzərdə tutulan bu nüfuzlu sənət yarışmasında Bolqarıstan, Kanada, Peru, Kuba, İtaliya, İran, Türkiyə, Özbəkistan, Gürcüstan və Ukraynadan folklor kollektivləri iştirakı edəcək. Sözügedən ölkələrə dəvətnamələrin göndərildiyini bildirən şöbə müdiri, Mədəniyyət və Turizm Nazirliyi tərəfindən bu istiqamətdə lazımi köməklik göstərildiyini qeyd edib: “Bir həftə davam edəcək festivalın əsasnaməsi də hazırlanıb. İştirakçı kollektivlər üçün üzərində Masallı şəhərinin emblemi və “Azərbaycanın Folklor Paytaxtı Masallı” yazılan köynəklər sifariş edilib. Festival çərçivəsində həmçinin suvenirlərin satış yarmarkasının, müxtəlif növ əyləncəli proqramlarının, el sənətkarlarının əl işlərindən ibarət sərgilərin də keçirilməsi nəzərdə tutulub”.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
