Bayramova Təranə İsmixan qızı qəflətən dünyasını dəyişib
İlyas Əfəndiyev adına Elitar Gimnaziyada dünən səhər saatlarında musiqi fənnindən açıq dərs prosesi zamanı 1970-ci il təvəllüdlü Bayramova Təranə İsmixan qızı qəflətən dünyasını dəyişib.
Nəsimi rayon Prokurorluğundan Simsar.Az-a verilən məlumata görə, faktla bağlı rayon prokurorluğunda araşdırma aparılır.
Ölümün səbəbini müəyyən etmək üçün məhkəmə tibb ekspertizası təyin olunub.
T.Bayramova Suraxanı rayon məktəblərindən birində musiqi müəlliməsi olub. Mərhumun ürək tutmasından dünyasını dəyişdiyi bildirilib.
Bakı Şəhər Təhsil İdarəsinin mətbuat xidmətinin rəhbəri Zəminə Əliqızı da baş verən hadisəni təsdiqləyib və qeyd edib ki, həmin müəllimə “ilin ən yaxşı müəllimi” nominasiyasına namizəd idi və müsabiqə qaydalarına görə, öz işləmədiyi mətkəbələrdən birində dərs deməli idi.
“Çox yaxşı müəllimə idi və bu nominasiyaya layiq idi. Dərs normal qaydada keçib, Təranə Bayramova şagirdlərə tapşırıqlar verib və dərsin sonunda birdən halı pisləşib. Bilmirik bu, həyəcandan olub və ya başqa səbəbdən baş verib. Hər halda bu istiqamətdə araşdırma aparılır. Baş verən bu hadisəyə görə çox təəssüflənirik”.