Araşdırmalar davam etdirilir
Ötən gecə peşə borcunu yerinə yetirən ANS çəkiliş qrupunun kamerası sındırılıb. Hadisə Heydər Əliyev prospektində baş vermiş qəzanın çəkilişi zamanı baş verib.
Qeyd edək ki, qəzaya məruz qalmış “Ford” sürücüsünün rəyini öyrənən ANS müxbiri obyektiv məlumat üçün daha sonra qəzaya düşən digər avtomaşının – “Mercedes”in sürücüsü Rəhman Məmmədovun mövqeyini öyrənmək istəyib. Çəkiliş qrupu sürücüdən müsahibə almaq istəyən zaman qəza baş verən ərazidə olan vətəndaşlardan birinin təzyiqi ilə üzləşib. Həmin naməlum şəxs ANS Müstəqil Yayım və Media şirkətinə məxsus kameranı qıraraq jurnalistin peşə borcunu yerinə yetirməsinə mane olub.
Çəkiliş qrupuna edilən təzyiqlə bağlı dərhal Daxili İşlər Nazirliyinin 102 xidməti və Nizami rayon Polis İdarəsinə məlumat verilib. Bir qədər sonra əraziyə cəlb edilmiş Nizami rayon Polis İdarəsi 23-cü polis bölməsinin əməkdaşları tərəfindən çəkiliş qrupuna təzyiq göstərən şəxs bölməyə aparılıb.
Bölmədən verilən məlumata görə, artıq şirkətin kamerasına zərər vuran vətəndaşın şəxsiyyəti müəyyənləşdirilib. Məlum olub ki, kameranı qıran şəxs 1982-ci il təvəllüdlü Kərimov Vüqar Eldar oğludur. Faktla bağlı bölmənin əməkdaşları tərəfindən Vüqar Kərimovun izahatı alınıb. Qeydə alınan qanun pozuntusu ilə bağlı 23-cü polis bölməsində başlanan araşdırmalar davam etdirilir.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
