"Biz dəyişən, qloballaşan dünyada yaşayırıq"
Bu gün forumun mövzusu elədir ki, heç kəs ona laqeyd qala bilməz.
Simsar.Az xəbər verir ki, bunu Azərbaycan Prezidenti Administrasiyasının Siyasi təhlil və informasiya təminatı şöbəsinin müdiri Elnur Aslanov Bakıda işinə başlamış “İslam Əməkdaşlıq Təşkilatı ölkələrində dəyişikliklər və transformasiyalar” mövzusunda İslam Əməkdaşlıq Təşkilatına üzv dövlətlərin beyin mərkəzlərinin 3-cü forumunda çıxışı zamanı deyib.
O qeyd edib ki, biz dəyişən, qloballaşan dünyada yaşayırıq:
“Bu baxımdan baş verən siyasi-iqtisadi proseslərlə bağlı yeni modelləri görür, onlara şahid oluruq. Bu forumda da bir neçə mövzunu əhatə edən panellər ətrafında müzakirələr aparılacaq.
Hesab edirəm ki, iki gün davam edən debatların və ümumilikdə Bakı forumunun uğurlu nəticələri olacaq və bu da müsbət töhfəsini verəcək”.