hadisələr zamanı saxlanılan 22 nəfərdən 20-i buraxılıb, 2-i də buraxılacaq
Quba rayonunda yenidən etiraz aksiyası başlayıb. Simsar.az saytının məlumatına görə. bu barədə hazırda Qubada olan jurnalistlər məlumat verirlər. Onlar bildiriblər ki, aksiya rayon Polis Şöbəsinin qarşısında keçirilir.
Aksiya iştirakçıları saxlanılan etirazçıların sərbəst buraxılmasını tələb ediblər. Nəticədə Polis şöbəsinin qarşısında Daxili Qoşunların əsgərlərilə etirazçılar qarşıdurma baş verib, yaralananların olduğu bildirilir.
Etirazçıları dağıtmaq üçün gözyaşardıcı qazdan istifadə edildiyi söylənilir. Əsgərlər arasında xəsarət alanlar var.
"Azadlıq"ın məlumatına görə, Qubanın icra başçısı Rauf Həbibov bu dəqiqələrdə istefa verib. Rayonun deputatı Vahid Əhmədov aksiya keçirən əhalinin qarşısına çıxaraq bu barədə məlumatı çatdırıb. deputat onu da deyib ki, hadisələr zamanı saxlanılan 22 nəfərdən 20-i buraxılıb, 2-i də buraxılacaq.