Qubadakı olaylar müzakirəyə çıxarılacaq
Qubada baş verən xalq etirazları ölkənin gündəmini dəyişib. Hazırda iqtidar və müxalifət düşərgələrində bu hadisə ilə bağlı müzakirələr aparılmaqda, təcili və plandankənar toplantılar keçirilməkdədir. İqtidar artıq Qubaya öz “desant”larını yollayıb. Ərazinin “kuratoru” Ziya Məmmədov, Qubadan deputat seçilən Vahid Əhmədov və başqa şəxslər hadısı yerindədirlər.
Bizdəki bilgilərə görə, müxalifət liderləri də olayları həssaslıqla izləyirlər və rayondakı yerli strukturların rəhbərləri vasitəsi ilə gedişat barədə məlumat alırlar. Musavat.com-a o da məlum olub ki, müxalifətin əsas qurumu olan İctimai Palata rəhbərliyi növbədən kənar toplantı çağırıb. Az müddət sonra bu toplantının baş tutması və İP adından baş verən olaylara münasibət bildirilməsi gözlənilir.