"Biz belə hadisələrin olacağını öncədən proqnozlaşdırmışdıq"
26 fevral tarixində İstanbulun Taksim meydanında keçirilən Xocalı soyqımına həsr olunmuş mitinqlə əlaqədar Türkiyədə bir neçə universitetin rəsmi toplantılarında azərbaycanlı tələbələrlə əks-fikirli tələblər arsında dava-dalaş olub.
Simsar.az saytının verdiyi məlumata görə, Ankara Universitetində 2 tələbə yaralanıb. Yaralı 2 tələbə təciliyardım maşınları ilə xəstəxanaya aparılıb. İki qrup arasında gərginlik davam etdiyi üçün polislər olaya müdaxilə edib .
Həmçinin Ankara və Hacettepe universitetlərində bir neçə azərbaycanlı tələbə universitetdən qovulma təhlükəsi ilə üzləşib.
Azərbaycanın Ankaradakı səfirliyi məsələyə münasibət bildirib. Səfiliyin mətbuat katibi Elsevər Salmanov Modern.az-a açıqlamasında deyib ki, səfirlik belə hadisələrin olacağını öncədən proqnozlaşdırırımış:
“Bu məqsədlə türkiyəli tələbələr tərəfindən təşkil olunacaq belə tədbirlərdə azərbaycanlı tələbələrin iştirak etməməsi istiqamətlərində öz tələbələrimizə xəbərdarlıqlarımız olmuşdu. Lakin tələbələrimiz bizim tənbehlərimizə qulaq asmadan qeyd olunan tədbirlərdə iştirak etmişlər.
Lakin qeyd etmək istərdik ki, heç də böyüdüləcək bir məsələ yoxdur ortada. Bir-iki yüngül yaralanma var o qədər”.