İcra hakimiyyətinin binası önündə iğtişaşın qarşısını almaq mümkün olmayıb
Qubadan həyəcanlı xəbərlər gəlməkdədir. Simsar.az-ın məlumatına görə, musavat.com-un rayona ezam olunmuş müxbiri xəbər verir ki, qəzəblənmiş xalq əlinə keçən hər şeyi dağıdır, yandırır. Onun verdiyi məlumata görə hazırda icra başçısı Rauf Həbibovun rayondan qaçması barədə şayiələr dolaşır. Qeyd edək ki, bu xəbərləri başqa KİV-lər də yayıblar. Aşağıdakı fotolar da durumun kritikliyindən xəbər veirir.
Hazırda Qubaya daxili qoşunların hissələri göndərilib. Aksiyanın dağıdılması üçün polis gözyaşardıcı qazlardan istifadə edib
Vurğulayaq ki, Quba camaatının etirazlara qalxmasının səbəbi icra başçısı Rauf Həbibovun qubalıları ağır sözlərlə təhqir etməsidir. Onun bu təhqirləri video görüntü halında sosial şəbəkələrdə yayılmaqdadır.