Şahmar Məmmədovla bağlı istintaq işləri davam edir
Azərbaycanda yanacaqdoldurma məntəqəsinin rəhbəri barəsində cinayət işi başlanıb.
Bu barədə Simsar.az-a Daxili İşlər Nazirliyindən bildirilib.
Məlumata görə, Xırdalan şəhər sakini Şahmar Məmmədovun təsisçisi və direktoru olduğu, İsmayıllı rayonunda yerləşən yanacaqdoldurma məntəqəsində çənlərin möhürlərinə müdaxilə etməklə istehlakçıları qiymətdə, çəkidə və keyfiyyətdə aldatdığı məlum olub. Həmçinin o, “Ai-93” markalı benzini “Ai-95” adı ilə satışını təşkil edib.
Faktla bağlı cinayət işi başlanıb, istintaq tədbirləri davam etdirilir.