“Erməni soyqırımı”nın inkarına görə cinayət məsuliyyətini nəzərdə tutan yeni layihə bəyənilmədi
Fransa Konstitusiya Şurasının qondarma “erməni soyqırımı”nın inkarına görə cinayət məsuliyyətini nəzərdə tutan qanunu ləğv etməsindən sonra prezident Nikola Sarkozinin növbəti cəhdi də fiaskoya uğrayıb. Simsar.az-ın Türkiyənin ‘Vatan” qəzetinə istinadən verdiyi məlumata görə, Konstitusiya Şurasının qərarından sonra hökumətə qısa müddətdə qondarma “erməni soyqırımı”nın inkarına görə cinayət məsuliyyətini nəzərdə tutan yeni qanun layihəsinin hazırlanması barədə göstəriş verən Nikola Sarkoziyə hökumət və lideri olduğu partiyadan rədd cavabı gəlib.
Fransa Xalq Hərəkatı Birliyi Partiyasının baş katibi François Cope Fransa parlamentinin qanunvericilik fəaliyyəti dövrünün prezident seçkiləri ilə bağlı martın 6-da başa çatacağını, buna görə də iyundan əvvəl yeni bir qanunun gündəmə gəlməsinin müşkül olduğunu bəyan edib: “Parlamentin fəaliyyəti başa çatdı və təəssüf ki, yeni bir qanunu gündəliyə sala bilmərik. İyundakı seçkilərdən sonra formalaşacaq yeni parlamenti gözləmək məcburiyyətindəyik”.
Hökumət sözçüsü Valerie Pecresse də bildirib ki, bu qanunvericilik ilində yeni bir qanunun qəbul edilməsi ehtimalı yoxdur: “Konstitusiya Şurasının qərarını araşdırırıq. Prezident Nikola Sarkozi bəzi erməni dərnəklərinin nümayəndələrini qəbul edəcək, Ədliyyə Nazirliyi də yeni qanun layihəsinin üzərində işləyəcək. Ancaq bu qanunvericilik ilində yeni qanunun qəbulu ehtimalı yoxdur”.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
