“Təkliflər olarsa, yəqin ki, işləyərəm”
Bu gün əməkdar mədəniyyət işçisi, səs rejissoru Əsəd Əsədovun doğum günüdür.
O, 1947-ci ildə mart 1-də Bakıda anadan olub. Leninqrad Kino Mühəndisləri İnstitutunu bitirib.
100-ə yaxın bədii və sənədli filmin, "Mozalan" satirik kinojurnalının 150-dən çox süjetinin səs rejissorudur. "Yaramaz" filminə görə dövlət mükafatı, "Ailə" filmindəki işinə görə "ən yaxşı səs rejissoru" nominasiyasında "Qızıl Çıraq" mükafatına layiq görülüb. O, əməkdar mədəniyət işçisi olmaqla yanaşı həm də Dövlət Mükafatı laureatıdır.
Azərbaycan Kinomatoqrafçılar İttifaqında təşkilat katibidir.
“Axtaran tapar” , “Belə də olur” , “Bəyin oğurlanması” , “Cin mikrorayonda” , “Əhməd haradadır?”, “Hacı Qara“, “Hamam hamam içində” , “İmtahan” , “İşarəni dənizdən gözləyin” ,“Kimdir müqəssir?” , “Küçələrə su səpmişəm” , “Qanlı zəmi” , “Qara "Volqa" , “Onun bəlalı sevgisi” , “Yalan” kimi filmlərdə səs rejissoru olaraq çalışıb.
Simsar.az-a açıqlamasında Ə.Əsədov ad gününü təmtəraqsız, ailə üzvləri ilə birlikdə keçirəcəyini bildirib. Yaradıcılıq planlarına gəldikdə, qeyd edib ki, hələ ki, hər hansi bir film üzərində işləmir: “Təkliflər olarsa, yəqin ki, işləyərəm”.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
