Növbəti parlament seçkilərinə qədər soyqırımların inkarının kriminallaşdırılması haqqında yeni qanun qəbul etmək mümkün deyil
Fransanın büdcə naziri və hökumətin rəsmi nümayəndəsi Valeri Pekress növbəti parlament seçkilərinə qədər ölkə tərəfindən tanınmış soyqırımların inkarının kriminallaşdırılması haqqında yeni qanun qəbul etməyin mümkün olmadığını bildirib.
Nazir deyib ki, hökumət yeni qanun layihəsi hazırlayarkən Konstitusiya Şurasının iradlarını nəzərə alacaq, lakin iyun ayına qədər layihənin hazırlanaraq parlamentdə qəbulu qeyri-mümkündür.
Xatırladaq ki, Konstitusiya Şurası Fransa tərəfindən tanınmış soyqırımların, o cümlədən uydurma “erməni soyqırımı”nın inkarını cinayət sayan qanunu ləğv etdikdən sonra prezident Nikola Sarkozi hökumətə yeni qanun layihəsi hazırlamağı tapşırmışdı.