Qəzada 2 “Kia”, “Mercedes”, “Jiquli” və “Lifan” markalı avtomobillər toqquşub
Ötən gecə Bakının Yasamal rayonu Zivərbəy Əhmədbəyov və Balababa Mirzəyev küçələrinin kəsişməsində 5 avtomaşının toqquşması ilə nəticələnən yol nəqliyyat hadisəsi baş verib. Qəza zamanı Tamerlan Niyazovun idarə etdiyi “Kia” markalı avtomaşın idarəetmənin itirilməsi nəticəsində qarşıda hərəkətdə olan “Mercedes” markalı nəqliyyat vasitəsi ilə toqquşub. Bundan sonra “Mercedes” irəlidə dayanan başqa bir “Kia” markalı avtomobilə də çırpılıb. “Kia” isə öz növbəsində yol kənarında dayanan “VAZ 21012” və “Lifan” markalı avtomaşınlara çırpılıb. Qeyd edək ki, qəza zamanı avtomaşınldara ziyan dəysə də sürücü və sərnişinlər arasında xəsarət alan olmayıb.
Qəza baş verən ünvanda isə Yasamal rayon dövlət yol polis şöbəsinin əməkdaşları tərəfindən araşdırma aparılıb. Qəzaya düşən avtomaşınların sürücülərinin sənədləri alınaraq müvafiq protokollar tərtib edilib.