Kafedə gözləyən zəvvarlar burada “Mədinəyə varamadım” ilahisini oxuyublar
Türkiyənin Adana şəhərində zəvvarları Mədinəyə aparacaq Səudiyyə Ərəbistanına aid təyyarəyə ildırım düşüb. Təyyarədə nasazlıq meydana gəldiyi üçün saat 08.25-də hava limanına gələn zəvvarlar axşama qədər gözləməli olublar. Məlumata görə, yağış səbəbilə hava limanının kafesində gözləyən 400 nəfərlik zəvvar qrupu burada “Mədinəyə varamadım” (Mədinəyə gedə bilmədim) ilahisini oxuyublar. Zəvvarlardan biri isə “İHA” müxbirinə yeni bir təyyarənin nə vaxt gələcəyinin bilinmədiyini deyib.