Bu məqsədlə müşavirə keçirilib
Fevralın 27-də Naxçıvan Muxtar Respublikası Ali Məclisində tikinti sektorunda əməyin təşkili, təhlükəsizlik qaydalarına riayət olunması və muxtar respublikada yanacaq ehtiyatının yaradılması məsələlərinə həsr olunmuş müşavirə keçirilib.
AzərTAc xəbər verir ki, müşavirədə Naxçıvan Muxtar Respublikasının baş naziri Əlövsət Baxşıyev, baş nazirin birinci müavini Asəf Məmmədov, muxtar respublikanın daxili işlər naziri Əhməd Əhmədov, fövqəladə hallar naziri Şamı Abdullayev, iqtisadi inkişaf naziri Famil Seyidov, vergilər naziri Əli Mahmudov, əmək və əhalinin sosial müdafiəsi naziri Cavid Səfərov, Dövlət Gömrük Komitəsinin sədri Asəf Məmmədov, Standartlaşdırma, Metrologiya və Patent üzrə Dövlət Komitəsinin sədri Malik Rzayev, Naxçıvan Neft və Qaz Məhsulları Təminatı Müəssisəsinin direktoru Bəhruz Əzimov, Naxçıvan Beynəlxalq Hava Limanının direktoru Mənşur Gülməmmədli və muxtar respublikanın prokuroru Səbuhi Şahverdiyev müzakirə olunan məsələlərlə əlaqədar məlumat veriblər.
Naxçıvan Muxtar Respublikası Ali Məclisinin sədri Vasif Talıbov müşavirədə aidiyyəti təşkilatlara müvafiq tapşırıqlar verib.