Hadisə günorta saatlarında Masallının Təzəkənd kəndi ərazisində baş verib
Bakı-Astara sürət qatarı onun yoluna çıxan “Hyundai” markalı avtobusu vurub.
Simsar.az-ın yerli bürosunun xəbərinə görə, hadisə günorta saatlarında Masallı rayonunun Təzəkənd kəndi ərazisində baş verib.
Səhiyyə Nazirliyinin Masallı Regional Təcili və Təxirəsalınmaz Tibbi Yardım Stansiyasından APA-ya verilən məlumata görə, avtobusun sürücüsü aldığı xəsarətlərdən hadisə yerində dünyasını dəyişib. Sürücünün şəxsiyyəti dəqiqləşdirilir.
Hazırda rayon hüquq-mühafizə orqanlarının əməkdaşları hadisə yerində araşdırma aparırlar.