Azərbaycan 5 yaşadək uşaqlar arasında ölüm səviyyəsinə görə dünyada 63-cü yeri tutur
Ölkədə hər 100 nəfərdən 99-nun mobil telefonu var, hər 100 nəfərdən 36-sı internet istifadəçisidir
UNİSEF “2012-ci ildə dünyada uşaqların vəziyyəti” adlı ənənəvi illik hesabatını açıqlayıb. APA-nın məlumatına görə, hesabat şəhərlərdə yaşayan uşaqların durumuna həsr olunub. Hesabat müəllifləri qeyd edirlər ki, şəhərlər planetdə iqtisadi inkişafın mühərrikləridir, lakin bu inkişafdan heç də bütün şəhər uşaqlarına pay düşmür.
“Urbanizasiya prosesi uşaq hüquqlarına lazımi diqqətin ayrılmaması ilə müşayiət olunur. Şəhərlərdə mövcud olan qeyri-bərabərlik bütün ölkələrə xas xüsusiyyətdir və yüz milyonlarla uşağın hüquqlarını məhdudlaşdırır”.
Hesabatda bütün ölkələr üzrə uşaqların təhsil almaq səviyyəsinə dair statistika da yer alıb. Bundan başqa uşaqların normal həyatının əsas ölçü vahidlərindən biri 5 yaşına kimi uşaq ölümünün səviyyəsidir. Azərbaycan bu göstəriciyə görə 193 ölkə sırasında 63-cü yeri tutub. Dünyada 5 yaşadək uşaq ölümünün səviyyəsinə görə ilk yerləri Somali, Mali, Burkino-Faso, Çad tutur. Uşaq ölümünün ən aşağı səviyyədə olduğu ölkələr İslandiya, Lixtenşteyn və San-Marinodur.
Hesabata əsasən, Azərbaycan əhalisinin (9188000 nəfər) 2 milyon 432 min nəfərini 18 yaşadək gənclər, 795 min nəfərini 5 yaşadək uşaqlar təşkil edir. 1990-2010-cu illərdə əhalinin illik artım səviyyəsi 1,2 faiz təşkil edib, 2010-2030-cu illər üçün müəyyənləşən proqnozlara görə, bu rəqəm 0,8 faiz təşkil edəcək. Hər il Azərbaycanda orta hesabla 182 min uşaq anadan olur, 5 yaşadək ölən uşaqların sayı 9 min nəfərə çatır.
Təhsil almaq imkanlarına gəldikdə hesabatda qeyd olunur ki, 15-24 yaşlı gənclər arasında savadlılıq səviyyəsi kifayət qədər yüksəkdir, hər 100 nəfərdən 99 nəfər mobil telefona sahibdir, hər 100 nəfərdən 36 nəfər internet istifadəçisidir.
_thumb.jpg)
Leysan olacaq, dolu yağacaq
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
.jpg)
