Bu gün Türkiyə Böyük Millət Məclisində Xocalı soyqırımına həsr olunan iclas keçiriləcək.
Turkiyənin İğdır şəhərindən millət vəkili, Türkiyə Azərbaycan Dərnəklərinin fəxri sədri Sinan Oğan Simsar.az-a bildirib ki, o Xocalı faciəsini parlament tərəfindən soyqırımı kimi qəbul edilməsi məsələsini qaldırmaq niyyətindədir. Deputatın sözlərinə görə, bir qədər əvvəl buna dair qanun layihəsini parlamentə təqdim edib. Onun üzv olduğu TBMM-nin xarici məsələlər üzrə komissiya Xocalı soyqırımının rəsmən tanınması barədə qərar qəbul edib. Sinan Oğan deyib: “Bu ilin fevralın 26-da Türkiyənin müxtəlif şəhərlərində keçirilən mitinqlərdə Xocalıda yaşananlara soyqırım deyilib. Türkiyəlilər Azərbaycan xalqının yaşadığı soyqırımı ürəyində hiss etdilər. İndi növbə Türkiyə parlamentinindi. Ümid edirəm ki, TBMM ədalətli qərar çıxaracaq”.