Qonşu respublikada ən çox yayılmış 50 soyaddan 7-si azərbaycanlılara məxsusdur
Gürcüstanda hər ilin başlanğıcında ölkənin Ədliyyə Nazirliyinin Vətəndaş Agentliyinin Məlumat İdarəsi ölkə vətəndaşlarına aid maraqlı statistik göstəriciləri yayır. Hər il olduğu kimi, adıçəkilən struktur bu dəfə də Gürcüstanda ən çox yayılmış 50 soyadın siyahısını təqdim edib. Bu siyahıda 7 soyad Gürcüstanda yaşayan və bu ölkənin vətəndaşı olan azərbaycanlılara aiddir.
Gürcüstan Ədliyyə Nazirliyinin nümayəndəsi Georgi Qabriaşvilinin sözlərinə görə, ən çox yayılmış soyadlar siyahısına gürcü soyadı Beridze başçılıq edir: "Gürcüstanda 26 796 nəfər Beridze soyadını daşıyır. İkinci yerdə isə 25 968 nəfər göstərici ilə Məmmədov soyadıdır. Üçüncü yerdə Kapanadze, 4-cü yerdə isə Əliyev soyadı dayanır. Əliyev soyadını Gürcüstanda 17 605 nəfər daşıyır. Beləliklə, ilk beşlikdə 3 gürcü və 2 Azərbaycan soyadı var".
Bundan başqa, 50 ən çox yayılmış soyad arasında 17-ci yerdə Hüseynov, 18-ci yerdə Bayramov, 21-ci yerdə Həsənov, 26-ci yerdə İsmayılov, 31-ci yerdə Əhmədov, 47-ci yerdə isə Musayev soyadıdır.
Qeyd edək ki, 4 milyon əhalisi olan Gürcüstanda bu ölkənin vətəndaşı olan yarım milyona yaxın azərbaycanlı yaşayır. Vətəndaş Agentliyinin statistik göstəricilərinə əsasən, Gürcüstanda ən çox yayılmış 50 soyad arasında 7 Azərbaycan soyadının olması azərbaycanlıların Gürcüstanda gürcülərdən sonra sayca ikinci xalq olduğuna dəlalət edir.
Gürcüstanda yaşayan daha bir etnik azlıq olan ermənilərin iddiasına görə isə onlar gürcülərdən sonra sayca ikinci millətdir. Rəsmi statistik göstəricilərə əsasən isə 50 soyad arasında bir erməni soyadı belə yoxdur.
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
