"Layihənin reallaşdırılması üçün tədris vəsaiti hazırlanacaq, onu icra edəcək müəllimlər üçün treninqlər keçiriləcək"
Azərbaycan Təhsil Nazirliyi Mərkəzi Bankla birgə növbəti tədris ilindən orta məktəblərdə "Şagirdlərin maliyyə bacarıqlarının gücləndirilməsi" layihəsinin icrasına başlamağı nəzərdə tutur.
Nazirliyin Kənd rayonları üzrə ümumtəhsil şöbəsinin müdiri Aydın Əhmədov cümə axşamı Trend-ə deyib ki, layihə ilk mərhələdə pilot məktəblərdə həyata keçiriləcək. Layihənin reallaşdırılması üçün tədris vəsaiti hazırlanacaq, onu icra edəcək müəllimlər üçün treninqlər keçiriləcək.
Əhmədov əlavə edib ki, layihənin əsas məqsədi uşaqların maliyyə bacarıqlarını inkişaf etdirməkdir.
"İndiki dövrdə iqtisadi, maliyyə bacarıqlarının inkişafı əhəmiyyət kəsb edir. Bu, bizim kurrikulumda da nəzərdə tutulub. Həyat bilgisi fənninin məzmununda da bu məsələlər var", - Əhmədov əlavə edib.
Şöbə müdiri qeyd edib ki, şagirdlərin maliyyə sahəsində savadlılığının artırılması, bu sahədə tətbiqi bacarıqlarının genişləndirilməsi onların inkişafına müsbət təsir göstərər.
Onun sözlərinə görə, layihənin icrası üçün Almaniya təcrübəsi öyrənilib.
"Alman mütəxəssislər Bakıya gəldilər. Bizim bir çox məktəblərimizlə tanış oldular, məktəb direktorları ilə söhbətlər apardılar, treninqlər keçirdilər. Bu layihənin tanışlıq, müəyyən tədqiqatlar mərhələsi başa çatıb. İndi Mərkəzi Bank tərəfindən layihənin məktəblərdə həyata keçirilməsi üçün müəyyən tədbirlər hazırlanır", - Əhmədov əlavə edib.
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
