London-Bakı təyyarəsi eniş edə bilməyərək Tehrandakı ehtiyat aerodromuna yollanıb
Azərbaycanda hava şəraitinin yenidən kəskin soyuması, qar yağması və güclü külək ilə əlaqədar Heydər Əliyev Beynəlxalq Aeroportunda bir neçə aviareys təxirə salınıb. "AZAL"ın mətbuat xidmətinin rəhbəri Məhərrəm Səfərlinin ANS-ə verdiyi məlumata görə, hava şəraiti Heydər Əliyev Beynəlxalq Hava Limanında təyyarələrin uçuşuna və yerə enməsinə mane olub.
Kiçik tipli ATR 72 və ATR 42 avialaynerlər vasitəsilə həyata keçirilən Bakıdan Gəncəyə (yola düşmə vaxtı 09:55), Tbilisiyə (yola düşmə vaxtı 10:10) və Tehrana (yola düşmə vaxtı 10:35) reyslər təzirə salınıb.
Bundan başqa, BD 928 London-Bakı aviareysinin təyyarəsi eniş edə bilməyərək Tehrandakı ehtiyat aerodromuna yollanıb.