Gənc müğənni istedadına güvənir
Həm “Qaya” Dövlət Ansablının solisti kimi, həm də solo fəaliyyət göstərən gənc müğənni Şölə Səfərəliyeva sözləri və musiqisi reper Mr. Babaya aid “Sən rəssam” adlı yeni mahnısına klip çəkdirib. Klipin rejissoru reperin özüdür.
Müğənni ilə söhbətimizdə bəlli oldu ki, maddi vəziyyətinin zəif olması ilə əlaqədar klip heç bir telekanalın klip saatında yayımlanmayacaq: “Efirlərdə az görsənməyimin səbəbi maddi vəziyyətlə əlaqədardır. Bilirsiz ki, indi istedadına baxmadan, gənc müğənninin efirə çıxması kommersiya üzərində qurulub. Mən isə heç bir kanala pul verib efirdə görünmək niyyətində deyiləm. Zarafat deyil, “Qaya” kimi Dövlət Ansamblının solistiyəm. İstedadım göz önündədir. Belə olduğu halda, niyə efirə pul ödəyib çıxmalıyam? Bu səbəbdən də klipin yayımını ancaq saytlarla kifayətlənəcəyəm”.
Gənc müğənni onu da bildirdi ki, hazırda albom üzərində çalışır. Repertuarında bəstəkarlar Gövhər Həsənzadə, Vüsalə Hikmət, hətta müəllimi Rauf Babayev və digərlərinin bəstələrinin yer aldığını deyən Ş. Səfərəliyeva bir vaxtlar ifa etdiyi sözləri özünə, musiqisi gənc həmkarı Anar Yusufova aid “Aldatma məni” adlı mahnını yeni aranjimanda ifa edib, albomuna daxil edəcəyini söylədi.
Azər Nəsibov
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
