Ermənilərin işğalçılıq siyasəti ifşa olunacaq
Cari ilin may ayında Avropa Parlamentində Ermənistan-Azərbaycan, Dağlıq Qarabağ münaqişəsinə həsr olunmuş beynəlxalq konfransın keçirilməsi nəzərdə tutulub.
Milli Qeyri Hökumət Təşkilatları Forumundan Simsar.az-a verilən məlumata görə, konfransda iştirak etmək üçün Azərbaycandan deputatlar və qeyri-hökumət təşkilatlarının rəhbərlərindən ibarət nümayəndə heyəti Bekçikaya gedəcək. Belçika-Azərbaycan Dostluq Cəmiyyətinin də dəstəyi ilə baş tutacaq konfransda ermənilərin işğalçılıq siyasəti, Azərbaycan ərazilərinin 20 faizinin işğal altında qalması, bir milyona yaxın soydaşımızın qaçqın və məcburi köçkünə çevrildiyi faktı avropalı parlamentarilərin diqqətinə çatdırılacaq.
Azərbaycan nümayəndə heyətinin Belçikaya səfəri çərçivəsində Brüsseldə-Avropa Parlamentində bir sıra görüşlər planlaşdırılıb.