Rumıniyanın baş naziri Emil Bok başçılıq etdiyi hökumətin istefaya getdiyini bəyan edib.
Simsar.az-ın “Reuters”ə istinadən xəbərinə görə, E.Bok bu qərarını Nazirlər Kabinetinin iclasında açıqlayıb.
“Mühüm siyasi qərarlar qəbul etməyin vaxtı çatıb. Ona görə də hökumət mandatından imtina etmək qərarına gəlmişəm” - deyə baş nazir bildirib.
Qeyd edək ki, yanvarın sonunda Rumıniyada hökumət əleyhinə nümayişlər keçirilib. Aksiya iştirakçıları Rumıniya prezidenti Trayan Baseskunun və baş nazir Emil Bokun istefa verməsini tələb ediblər. Buna səbəb Avropa Birliyinin üzvü olan ölkədə iqtisadi böhranın nəticələrini aradan qaldırmaq üçün hökumətin büdcə xərclərini, o cümlədən bir sıra sosial proqramları ixtisar etməsidir.