Hücumun siyasi məqsəd daşıdığı bildirilir
Türkiyənin Batman vilayətində Barış və Demokratiya Partiyasının (BDP) və bələdiyyənin binasına naməlum şəxslər tərəfindən silahlı basqın edilib.
Simsar.az Türkiyə mətbuatına istinadən xəbər verir ki, üç nəfərdən ibarət həmin qrup öncə bələdiyyənin binasını, daha sonra isə bu binanın qarşısında yerləşən BDP-nin binasını pnevmatik tüfənglə atəşə tutub, dərhal sonra isə maşına minib qaçıblar.
BDP-nin Batmandan olan deputatı Ayla Akat basqının təsadüfü xarakter daşımadığını bildirib. Onun sözlərinə görə, iki il əvvəl, məhz eyni gündə partiyanın Ankaradakı ofisinə də bu cür basqın edilib: «Hər zamankı kimi atəş açanların ağılsız və ya sərxoş olduqları kimi iddialar səslənir. Amma bura Ankara deyil, Batmanda iqtidarda olan siyasi partiya BDP-dir. Hədəf də məhz bizim partiyamızdır». Buna baxmayaraq, partiya yetkilisi hücum edənlərin tapılacağı və cəzalandırılacağına ümid etdiyini bildirib.
Xatirə