Rusiya bayrağı ayaqlar altına atılıb
Liviyada yaşayan suriyalılar paytaxt Tripolidəki Rusiya səfirliyinə hücum ediblər.
Simsar.az “RİA Novosti”yə istinadən xəbər verir ki, fevralın 5-də baş vermiş bu hadisənin səbəbi Rusiyanın BMT Təhlükəsizlik Şurasında Bəşər Əsədin nümayişçilərə divan tutmasını pisləyən qətnaməyə veto qoymasıdır. Qeyd edək ki, analoji addım Rusiya ilə yanaşı Çin tərəfindən də atılıb.
“Rusiya səfirliyi qarşısında birinci dəfə deyil ki, etiraz aksiyası keçirilir. Amma bundan əvvəlkilərin hamısı dinc şəraitdə keçib” – deyə, hadisənin şahidlərindən biri bidirib.
Məlumata görə, etirazçılar səfirlik binasının üzərindəki Rusiya bayrağını da qoparıb ayaq altına atıblar.
Polisin müdaxiləsilə etirazçılar geri çəkilib.
Hadisə nəticəsində xəsarət alan olmayıb.