Onlardan 15-i xəstəxanaya çatdırılıb
Cari ilin fevralın 5-dən 6-ı saat 9-dək Bakı Şəhər Təcili və Təxirəsalınmaz Tibbi Yardım Stansiyasına 1526 çağırış olub. Xəstələrdən 236 nəfər xəstəxanaya çatdırılıb. Bunu Simsar.az-a stansiyanın baş həkimi Mürsəl Həmidov bildirib.
Onun sözlərinə görə, müraciət edənlərdən 132 nəfəri zədə alıb ki, onlardan da 40 nəfəri xəstəxanaya gətirilib: “Yalnız yolların qarlı və buzlu olması nəticəsində yıxılanların sayı 18 nəfər olub ki, bunlardan da 17-si xstəxanaya çatdırılıb. Sutka ərzində yol qəzaları ilə bağlı təcili yardıma 3 müraciət daxil olub ki, hadisə yerindən 2 nəfər xəstaxanya aparılıb. Dəm qazı ilə əlaqədar dünən sutka ərzində 19 zəhərlənmə hadisəsi qeydə alınıb. Onlardan 15-i xəstəxanaya çatdırılıb”.