Ayan isə möhtəşəm təqdimata hazırlaşır
Aldığımız məlumata görə Elçin İmanov gənc müğənni Lamiyə Novruzovanın klip təqdimatında jurnalistlər qarşısında dediyi “Lamiyə Ayandan daha uğurludur” fikrini inkar edərək, bunu, simsar.az-ın əməkdaşının uydurması kimi qələmə verib... Elçin İmanovun dediklərini danmasında təəccüblü heç nə görmürük. Çünki, şou aləmində “divlərin” belə, digər həmkarları haqda dedikləri hansısa xoşagəlməz fikri sonradan inkar edərək “yediklərinin” çox şahidi olduğumuz halda, bəstəkardan başqa nə gözləyə bilərdik ki... Yəqin aqibətinin pis olacağını gözə alıb!
Bu ərəfədə, Ayana telefon açıb, bəstəkarın fikrinə qarşı münasibətini öyrənmək istəsək də müğənnidən zəngimizə cavab almadıq. Sonradan aldığımız məlumatda bəlli oldu ki, sevilən müğənni klip çəkilişlərinə hazırlaşdığından, işindən yayınmamaq üçün ona gələn zənglərə müvəqqəti olaraq cavab vermir. Onu da öyrəndik ki, qalmaqallarla deyil, yaradıcılığı ilə hamının zövqünü oxşamağa çalışan müğənni bəyəniləcəyinə inandığı ərsəyə gələcək yeni klipi üçün möhtəşəm təqdimat keçirməyi planlaşdırır.
Azər Nəsibov