Bəstəkar protejesinə xəbərdarlıq etdi
Eyyub Yaqubovdan sonra gənc müğənni Lamiyə Novruzovanı özünün ən uğurlu tapıntısı adlandıran bəstəkar Elçin İmanov müğənni ilə işbirliyinin uzunömürlü olacağına ümid edir: “Gənc müğənni Ayan da ilk dəfə mənim mahnılarımla peşəkar səhnəyə addımlarını atıb. Amma Lamiyə mənim üçün Eyyubdan sonra daha uğurlu tapıntıdır. Onun geniş ürəyi, musiqi duyumu var. Bir müddət əvvəl Lamiyənin ifasını başqa müğənnin ifasına bənzədirdilərsə, mənim mahnılarımdan sonra bunu etmirlər. Mən onu dəyişməyə müvəffəq olmuşam”.
Bəstəkar Lamiyənin ifasında mahnılarının uğurlu alındığını vurğulayaraq, yarızarafat, yarıcıddı “əgər bundan sonra Lamiyə başqa bəstəkarların mahnılarını oxumaq istəyərsə, daha mənə telefon belə açmasın”-deyib, protejesinə xəbərdarlıq ünvanladı.
Azər Nəsibov