Ötən gün donvurma ilə bağlı təcili yardıma 4 müraciət daxil olub
Ötən gün Bakıda şaxtalı havada Bakı şəhəri Təcili və Təxirəsalınmaz Tibbi Yardım Stansiyasına 1239 nəfər müraciət edib, onlardan 204 nəfər xəstəxanaya yerləşdirilib. Bu barədə Bakı şəhəri Təcili və Təxirəsalınmaz Tibbi Yardım Stansiyasının baş həkimi Mürsəl Həmidov Simsar.az-a açıqlamasında bildirib.
Müraciət edənlər içərisində 132 nəfər travma alıb. Travma alanların 66 nəfəri yalnız yıxılaraq xəsarət alanlardır ki, onların 60 nəfəri xəstəxanaya yerləşdirilib. Digələri isə yol qəzalarında, digər hadisələrdə xəsarət alıblar. Bundan başqa, dəm qazından zəhərlənmə ilə bağlı 19 müraciət daxil olub ki, onlardan 11-i xəstəxanaya yerləşdirilib. Onlardan 1 nəfər - bir yaşlı körpə ölüb.
Donvurma ilə bağlı isə 4 müraciət edilib. Sonuncu müraciət bu günə səhər saat 09:50 radələrində olub. 45-50 yaşlarında kişi donvurmadan ölüb”, - deyə Mürsəl Həmidov vurğulayıb.
Qeyd edək ki, Mürsəl Həmidov bir daha vətəndaşlara müraciət edərək diqqətli və ehtiyatlı olmağı tövsiyyə edib: “Vətəndaşlardan xahiş edirik ki, zərurət olmadığı təqdirdə lazımsız yerə təcili yardıma müraciət etməsinlər. Əsassız küçəyə çıxmaq özünü təhlükəyə atmaq və həyatı risqə qoymaq deməkdir. Xüsusən də yaşlı insanlar yüngül yıxılmaqla ağır xəsarət ala bilər. Yaşlı insanların ümumiyyətlə küçəyə çıxması məsləhət deyil. Çünki yaşlı insanlarda sümüklər kövrək olur və əgər qırılma baş verərsə, sümüklər gec bitişir. Ona görə də, əsassız olaraq küçəyə çıxmasınlar, buzla örtülmüş yollarda hərəkət etməsinlər”.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
