Yanvarda 5.6 ton avtomobil benzini, 101.3ton dizel yanacağı və 10.2 ton təyyarə yanacağı ixrac olunub
Bu ilin yanvar ayında Azərbaycan Dövlət Neft Şirkətinin (ARDNŞ) Marketinq və İqtisadi Əməliyyatlar İdarəsi 117 249 ton neft məhsulları ixrac edib. Bu da ötən ilin yanvar ayına nisbətən 13,4 faiz azdır.
ARDNŞ-in mətbuat xidmətindən ANS PRESS-ə verilən məlumata görə, hesabat ayında 5 678 ton avtomobil benzini, 101 350 ton dizel yanacağı və 10 221 ton təyyarə yanacağı ixrac olunub. Ötən ilin yanvar ayı ilə müqayisədə ixrac olunmuş avtomobil benzininin həcmi 2,9 dəfə, təyyarə yanacağının həcmi 2,7 dəfə artıb, dizel yanacağının həcmi isə 18 faiz azalıb.
Qeyd edək ki, 2012-ci ilin yanvar ayında dünya bazarında avtomobil benzininin qiyməti (1 ton üçün) 974,93 dollar, təyyarə yanacağının 993,14 dollar, dizel yanacağının 946,32 dollar, 1%-li kükürdlü mazutun qiyməti isə 685,63 dollar təşkil edib.