Türkiyənin Antalya şəhərindəki Bələk qəsəbəsində təlim-məşq toplantısını başa vuran Gəncənin “Kəpəz” futbol komandası problemlə üzləşib.
Klubun mətbuat katibi Məqsəd Rəhimovun Simsar.az-a verdiyi məlumata görə, fevralın 1-də Antalya hava limanından İstanbula uça bilməyiblər.
“Kəpəz” hava limanında yerli vaxtla saat 20:00-dək gözlədikdən sonra İstanbul reysinin təxirə salındığı məlum olub. Səbəb kimi İstanbul hava limanının pis hava şəraiti üzündən reysləri qəbul edə bilməməsi göstərilib. Gəncə komandası Antalyadakı otellərdən birində gecələməli olub.
Rəhimov İstanbula uçuşlarının fevralın 2-də yerli vaxtla saat 19:40-da baş tutmasının mümkünlüyünü də əlavə edib.