Türkiyədə baş verən yol qəzası nəticəsində 25 yaşlı azərbaycanlı vəkil Emin Muradov həlak olub.
APA-nın Türkiyə mətbuatına istinadən verdiyi məlumata görə, hadisə Antalya şəhərində baş verib. E. Mahmudov nişanlısı İrmak Ecem Özpolatın anası Xədicə Özpolatın ad günü ilə bağlı keçirilən mərasimdən qayıdarkən sürdüyü avtomobil yüksək sürət ə diqqətsizlik ucbatından elektrik dirəyinə çırpılıb. Vəkilin nişanlısı İrmak Ecem Özpolat, onun qardaşı Fırat Kamil Özpolat və dostu Rövşən Zərbəliyev xəstəxanaya aparılıb. Qəza zamanı ağır yaralanan vəkil hadisə yerində keçinib.
Faktla bağlı polis araşdırma aparır.
Qeyd edək ki, iki ay əvvəl 25 yaşlı İrmak Ecem Özpolatla nişanlanmış Emin Muradov toy hazırlıqları ilə məşğul imiş.